မြန်မာသတင်းများ-၂၇၊ ၂၈-၁၁-၂၀၁၀

ဒေါ်စုနဲ့ ကုလအတွင်းရေးမှူးချုပ် ကိုယ်စားလှယ် တွေ့ဆုံ(VOA)

ဦးခင်ညွှန့် ဗီဒီယိုဖိုင်အပေါ် အမျိုးမျိုး ဝေဖန်သုံးသပ်
ဧရာဝတီ Saturday, 27 November 2010 19:19

လွှတ်တော်တွင် ဝေဖန်ပါက ထောင် ၂ နှစ်ကျနိုင်
ဧရာဝတီ Saturday, 27 November 2010 19:15

စစ်အစိုးရနှင့် DKBA တိုက်ပွဲ ထပ်ဖြစ်
ဧရာဝတီ Saturday, 27 November 2010 18:20

ဒေါ်အောင်ဆန်းစုကြည် ရခိုင်လူငယ်များနှင့် တွေ့ဆုံမည်
November 28, 2010


ဒေါ်စုနဲ့ ကုလအတွင်းရေးမှူးချုပ် ကိုယ်စားလှယ် တွေ့ဆုံ(VOA)


ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဗီဂျေး နမ်ဘီးယားဟာ မြန်မာနိုင်ငံကို နှစ်ရက်ကြာခရီး စတင်ရောက်ရှိပြီး ဒီကနေ့ မွန်းလွဲပိုင်းမှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။ ဒေါ်အောင်ဆန်းစုကြည် အပါအ၀င် တိုင်းရင်းသားခေါင်းဆောင်တွေနဲ့ မစ္စတာနမ်ဘီးယားတို့ တွေ့ဆုံစဉ်မှာတော့ မြန်မာနိုင်ငံ အမျိုးသား ပြန်လည် သင့်မြတ်ရေး ကိစ္စတွေကို အလေးပေး ဆွေးနွေးညှိနှိုင်းခဲ့ကြတယ်လို့ သိရပါတယ်။ ကိုသားညွန့်ဦးက ဆက်သွယ်မေးမြန်းထားပါတယ်။


ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ နမ်ဘီးယားဟာ ဒေါ်အောင်ဆန်းစုကြည်နေအိမ်မှာပဲ ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီ အဖွဲ့ချုပ်ခေါင်းဆောင်တွေအပြင် တိုင်းရင်းသား ခေါင်းဆောင်အချို့နဲ့ အားလုံးစုစုပေါင်း ၁ နာရီကြာ တွေ့ဆုံခဲ့ပါတယ်။ မစ္စတာနမ်ဘီးယားဟာ မြန်မာနိုင်ငံအရေး တာဝန်ယူပြီးကတည်းကဆိုရင် ဒါ ပထမဆုံး သူ့ရဲ့ မြန်မာနိုင်ငံ ခရီးစဉ်ဖြစ်သလို မြန်မာပြည်တွင်း အတိုက်အခံ အင်အားစုတွေနဲ့ ပထမဆုံး စတင်တွေ့ဆုံမှုလည်း ဖြစ်ပါတယ်။ အမျိုးသားဒီမိုကရေစီအဖွဲ့ချုပ် (NLD) အနေနဲ့ကတော့ အမျိုးသား ပြန်လည်သင့်မြတ်ရေးကို ဦးတည်တဲ့ကိစ္စရပ်တွေကို အလေးပေး ဆွေးနွေးခဲ့တယ်လို့ NLD ပြောခွင့်ရသူ ဦးအုန်းကြိုင်က ပြောပါတယ်။


“နေ့လည် မွန်းလွဲ ၂ နာရီမှာ မစ္စတာ နမ်ဘီးယားဟာ အထွေထွေအတွင်းရေးမှူး ဒေါ်အောင်ဆန်းစုကြည်နဲ့စပြီး ဆွေးနွေးပါတယ်။ ဆွေးနွေးပြီးတဲ့နောက် ၂ နာရီခွဲမှာ ကျနော်တို့ ဥက္ကဌ ဦးတင်ဦး၊ NLD အလုပ်အမှုဆောင်အဖွဲ့များ အားလုံး ပါဝင်တဲ့၊ ဗဟိုအလုပ်အမှုဆောင်များအဖွဲ့၊ အဲဒီအထဲမှာ အထွေးထွေ အတွင်းရေးမှူးလည်း ပါဝင်ပါတယ်။ ဗဟိုအလုပ်အမှုဆောင်အဖွဲ့နဲ့ ထပ်ပြီးတော့ ဆွေးနွေးပါတယ်။ ဆွေးနွေပြီးတဲ့နောက် CRPP အဖွဲ့ဝင် တိုင်းရင်းသားခေါင်းဆောင်များဖြစ်တဲ့ ဦးအေးသာအောင်၊ ဦးနိုင်ထွန်းသိန်း၊ ဦးပုကျင်းရှင်းထန်၊ ဦးထောင်ကိုထန်း စတဲ့ တိုင်းရင်းသားခေါင်းဆောင်များနဲ့ အတွဲလိုက်ပေါ့ ဆက်ပြီးတော့ ကျနော်တို့နဲ့အတူ ဆက်ပြီးတော့ ဆွေးနွေးပါတယ်။ ၂ နာရီကနေစတဲ့ ဆွေးနွေးပွဲဟာ ၃ နာရီမှာ အဲဒီလို အစီအစဉ်အလိုက် ဆွေးနွေးပြီးတဲ့နောက် ပြီးသွားပါတယ်ခင်ဗျ။”


ဆွေးနွေးတာက ဒေါ်အောင်ဆန်းစုကြည် အိမ်မှာပဲလားခင်ဗျ။ -


“ဟုတ်ပါတယ်ခင်ဗျာ။ ဒေါ်အောင်ဆန်းစုကြည် အိမ်မှာပါ။ ကျနော်တို့ တိုင်းရင်းသား ခေါင်းဆောင်များပါ နောက်ဆုံးမှာ ပါဝင်ပြီး ဆွေးနွေးကြတာပေါ့။ တိုင်းရင်းသား ခေါင်းဆောင်များက နိုင်ငံရေး ပြဿနာကို ပြေလည်ဖို့ဆိုရင် အမျိုးသား ပြန်လည်သင့်မြတ်ရေး ရအောင် ကြိုးပမ်းတာအောင်မြင်ဖို့ဆိုရင် ကျနော်တို့ တိုင်းရင်းသားတွေရဲ့ အခန်းကဏ္ဍဟာလည်း အလွန်အရေးပါမှာဖြစ်တဲ့အတွက်ကြောင့် တိုင်းရင်းသားခေါင်းဆောင် CRPP အဖွဲ့ဝင် ခေါင်းဆောင်များကိုပါ အထွေထွေ အတွင်းရေးမှူးချုပ်က ဖိတ်ကြားပြီးတော့ မိတ်ဆက်ပေးပြီးတော့ တွေ့တာဖြစ်ပါတယ်။”


အဲဒီတော့ တိုင်းရင်းသားခေါင်းဆောင်တွေနဲ့ တွေ့တဲ့သဘောက မစ္စတာ နမ်ဘီးယားက စီစဉ်တာမဟုတ်ဘဲနဲ့ ဒီဘက် NLD က စီစဉ်ပေးတဲ့သဘောပေါ့။ -


“အဲဒီ အကုန်လုံးပေါ့ ညှိနှိုင်းပြီးတော့ စီစဉ်တဲ့သဘောပါပဲခင်ဗျ။”


ဒေါ်အောင်ဆန်းစုကြည်နဲ့ တွေ့ဆုံစဉ်မှာရော ဘာအကြောင်းရပ်တွေများ ပြောဖြစ်လဲခင်ဗျ။ -


“တွေ့ဆုံဆွေးနွေးပွဲနဲ့ပတ်သက်လို့တော့ အသေးစိတ် ထုတ်ပြန်ဖို့မရှိပါဘူး နှစ်ဖက်စလုံးက။ ဒါပေမဲ့ ကျနော် ပြောနိုင်တာကတော့ လက်ရှိ မြန်မာ့နိုင်ငံရေး အထွေထွေ အခြေအနေတွေကို ပြည့်စုံစွာ ပွင့်ပွင့်လင်းလင်း ရင်းရင်းနှီးနှီး အမြင်ချင်း ဖလှယ်ကြပါတယ်။”


မစ္စတာ နမ်ဘီးယားနဲ့ အဲန်ကယ်လို့ ပထမဆုံး တွေ့ရတဲ့အခေါက်ဆိုတော့ ဘယ်လို ယူဆလဲခင်ဗျ။ အခု တွေ့ဆုံဆွေးနွေးမှုနဲ့ပတ်သက်လို့ အားရကျေနပ်မှုရှိသလား၊ လိုအပ်ချက်တွေ ရှိသေးလား။ -


“နှစ်ဖက်စလုံးက ဆွေးနွေးချက်တွေဟာ ကိုယ့်အမြင်ကို ပွင့်ပွင့်လင်းလင်း ရင်းရင်းနှီးနှီးပေါ့လေ ဖလှယ်ကြတာဖြစ်တဲ့အတွက်ကြောင့် ဆွေးနွေးပွဲဟာ တကယ့်ကို ရင်းနှီးပွင့်လင်းတဲ့ ဆွေးနွေးပွဲဖြစ်ပါတယ်။ ပြီးတော့လဲ ကျနော်တို့ အဖွဲ့ချုပ်က အထွေထွေအတွင်းရေးမှူးချုပ် ကလည်းပဲ မြန်မာနိုင်ငံက နိုင်ငံရေးပြဿနာဟာ အမျိုးသား ပြန်လည်သင့်မြတ်ရေး အမြန်ဆုံးရအောင် ကျိုးပမ်းရမှာဆိုတာကို အစကတည်းက ပြောထားပါတယ်။ ထို့အတူ ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်းရဲ့ မနှစ်က ဒေါ်အောင်ဆန်းစုကြည် မွေးနေ့ သ၀ဏ်လွှာမှာကိုပဲ မြန်မာနိုင်ငံရေးပြဿနာကို ဖြေရှင်းဖို့ဆိုတာဟာ အမျိုးသား ပြန်လည်သင့်မြတ်ရေး ရအောင် အရင်လုပ်ရမယ်ဆိုတာကို ပြောထားတာဖြစ်တော့ အဲဒီဆီကို ဦးတည်နိုင်တဲ့ အပြုသဘောဆောင်တဲ့ ဆွေးနွေးပွဲတရပ် ဖြစ်တယ်ဆိုတာကို ခံစားမိကြောင်း ကျနော်ကတော့ ပြောချင်ပါတယ်။”


ဒေါ်အောင်ဆန်းစုကြည်နဲ့ ဖြစ်စေ၊ NLD နဲ့ဖြစ်စေ ထပ်ပြီးတော့ တွေ့ဆုံနိုင်တဲ့ အလားအလာ ရှိသေးလားခင်ဗျ။ -


“ဒီကနေ့ ဆွေးနွေးပွဲမှာတော့ ထပ်ပြီးတော့ နောက်ထပ် ဆွေးနွေးပွဲတွေ ရှိမယ်လို့တော့ နှစ်ဖက်စလုံးကတော့ သဘောထား ပေးပါတယ်။ ဒါဟာ ပထမဆုံးအကြိမ် ဆွေးနွေးပွဲ ဖြစ်ပါတယ်။ နောက် အလားတူ ဆွေးနွေးပွဲတွေဟာ မကြာခဏ ဖြစ်သွားမှာပါလို့ အဲဒီလို သုံးသပ်ကြတာသိပါတယ်။”


အမျိုးသားဒီမိုကရေစီအဖွဲ့ချုပ် ပြောခွင့်ရသူ ဦးအုန်းကြိုင် ဖြစ်ပါတယ်။ မစ္စတာ နမ်ဘီးယားဟာ မြန်မာနိုင်ငံခြားရေးဝန်ကြီး ဦးဉာဏ်ဝင်းနဲ့ သီးခြားတွေ့ဆုံသလို ရွေးကောက်ပွဲဝင်တဲ့ အခြားနိုင်ငံရေးပါတီတွေနဲ့လည်း တွေ့ဆုံခဲ့ပါတယ်။ ဒါပေမဲ့လို့ မြို့တော် နေပြည်တော်ကိုတော့ သွားရောက်မယ့်အစီအစဉ် မရှိဘူးလို့သိရပါတယ်။




ဦးခင်ညွှန့် ဗီဒီယိုဖိုင်အပေါ် အမျိုးမျိုး ဝေဖန်သုံးသပ်
ဧရာဝတီ Saturday, 27 November 2010 19:19

နိုင်ငံတော်ဝန်ကြီးချုပ်၊ ဗိုလ်ချုပ်ကြီးဟောင်းနှင့် စစ်ထောက်လှမ်းရေး အကြီးအကဲဟောင်း ဦးခင်ညွန့်ကို ရဲချုပ် ဗိုလ်မှူးချုပ် ခင်ရီက လာရောက်တွေ့ဆုံပြီး ခေါ်ထုတ်သွားသည့် ဗီဒီယိုကလစ်သည် အင်တာနက်တွင် ပျံ့နှံ့နေပြီး မြန်မာ့အရေး စောင့်ကြည့်လေ့လာသူများ အနေဖြင့် အမျိုးမျိုး သုံးသပ်လျက်ရှိကြောင်း သိရှိရသည်။

ရဲချုပ် ခင်ရီ ဦးဆောင်သည့် ရဲအရာရှိများနှင့် ဦးခင်ညွန့်တို့ တွေ့ဆုံဆွေးနွေးသည့် ဗီဒီယိုဖိုင်သည် ၁၆ မိနစ်ကျော် ရှည်လျားသော်လည်း အသံဖိုင် ပါဝင်ခြင်း မရှိပေ။ အဆိုပါ ဗီဒီယိုဖိုင်သည် လူမှုကွန်ယက် ဝက်ဘ်ဆိုက် တခုဖြစ်သည့် Facebook တွင် ယမန်နေ့ ညနေမှစ၍ ပျံ့နှံ့နေခြင်းဖြစ်သည်။

ဦးခင်ညွန့်သည် ယခုအချိန်တွင် အသက် ၇၀ ကျော်ရှိပြီး စစ်အစိုးရလက်ထက်တွင် ပထမဆုံးသော နိုင်ငံတော်ဝန်ကြီးချုပ် ဖြစ်ခဲ့သည်။ ထိပ်သီးပိုင်း ရာထူးများအတွင်း အာဏာပြိုင်ဆိုင်မှုများကြောင့် ၂၀၀၄ ခုနှစ်တွင် ရာထူးမှ ဖယ်ရှားခံရပြီး နေအိမ်အကျယ်ချုပ်ဖြင့် ထိန်းသိမ်းခံခဲ့ရသည်။

စစ်ထောက်လှမ်းရေးဟောင်း ဦးခင်ညွန့်ကို နေပြည်တော်သို့ ခေါ်ယူပြီး တိုင်းရင်းသား လက်နက်ကိုင်အဖွဲ့များနှင့် ဆွေးနွေးစေမည်ဟု ယခုနှစ်အတွင်း ကောလာဟလသတင်းများ ထွက်ပေါ်ဖူးသည်။

ရဲချုပ်ခင်ရီက ဦးခင်ညွန့်ကို အလေးပြုနေဆဲဖြစ်ကြောင်း ဗီဒီယိုဖိုင်တွင် တွေ့ရသည်။ ဦးခင်ညွန့်က ၎င်း၏ အိမ်ရှေ့တံခါးကို ကိုယ်တိုင်ဖွင့်ပေးခဲ့ပြီး ရဲချုပ်နှင့် မိနစ်အနည်းငယ်ခန့် ဆွေးနွေးကြသည်။ ရဲချုပ် ခင်ရီက ဦးခင်ညွန့်နှင့် ဇနီးဖြစ်သူ ဒေါက်တာ ဒေါ်ခင်ဝင်းရွှေတို့ကို တစုံတခု ရှင်းပြပြောဆိုပြီးနောက် ၎င်းတို့ ဇနီးမောင်နှံက မြေးဖြစ်သူများကို နှုတ်ဆက်ကြောင်း တွေ့ရသည်။

ဦးခင်ညွန့်နှင့် ဇနီးဖြစ်သူကို နေရာမှန်းဆ၍ မရသော နေရာတနေရာသို့ ခေါ်ဆောင်သွားပြီး ဦးခင်ညွန့်က ရဲချုပ်ခင်ရီနှင့် အဖွဲ့ကို တစုံတရာ ပြောဆိုနေကြောင်း တွေ့ရသည်။ နောက်ခံအနေအထားအရ ဦးခင်ညွန့်၏ နဂိုမူလ နေထိုင်သည့်အိမ် မဟုတ်ကြောင်း ခန့်မှန်းရသည်။

စစ်တပ်အသိုင်းအဝိုင်းမှ အမည်မဖော်လိုသူတဦးက “ဒါက ထူးဆန်းနေပါတယ်။ ဘာလို့လဲဆိုတော့ ရာထူးက ဖယ်ရှားခံထားရတဲ့ သူတယောက်ကို လက်ရှိတာဝန်ထမ်းဆောင်နေဆဲ အရာရှိက ဘယ်တော့မှ အလေးပြုလေ့မရှိဘူး” ဟု ဆိုသည်။

အမေရိကန်နိုင်ငံတွင် စစ်သံမှူးအဖြစ် တာဝန်ထမ်းဆောင်ခဲ့ဖူးသည့် ဗိုလ်မှူးဟောင်း ဦးအောင်လင်းထွဋ်က “အရာရှိကြီးတွေနဲ့ လျှို့ဝှက်ဆွေးနွေးဖို့ ဦးခင်ညွန့်ကို သိပ်မကြာသေးခင်ကပဲ တပ်မတော် ဧည့်ဂေဟာကို ခေါ်သွားဟန်တူပါတယ်” ဟု ၎င်း၏ အမြင်ကို ပြောသည်။

ယခုကဲ့သို့ ဗီဒီယိုဖိုင် ပျံ့နှံ့နေရခြင်း အကြောင်းအရင်းကို မည်သူကမှ အတိအကျ မသိရှိဘဲ မကြာသေးမီက နေအိမ်အကျယ်ချုပ်မှ လွတ်မြောက်လာသည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် ပတ်သက်မှုရှိနိုင်ကြောင်း ပြောဆိုမှုများလည်း ပေါ်ထွက်လာသည်။

စစ်တပ် အသိုင်းအဝိုင်းကမူ နိုဝင်ဘာလ ၇ ရက်ရွေးကောက်ပွဲ နေ့ကတည်းကပင် ဦးခင်ညွန့်ကို လွှတ်ပေးခဲ့သည် ဟုလည်း ပြောဆိုကြသော်လည်း အတည်ပြုနိုင်ခြင်း မရှိပေ။

ဦးခင်ညွန့်ကို စတင်ထိန်းသိမ်းခဲ့ချိန်မှ စ၍ အပြင်သို့ ၄ ကြိမ်ထွက်ခဲ့ကြောင်း၊ နောက်ဆုံးအကြိမ် အပြင်ထွက်မှုမှာ ဝန်ကြီးဟောင်းတဦးဖြစ်သူ ဗိုလ်မှူးချုပ် တင့်ဆွေ ဇနီး၏ ဈာပနသို့ သွားရောက်ခဲ့ခြင်းဖြစ်ကြောင်း တွေ့ရသည်။

စစ်ထောက်လှမ်းရေး အကြီးအကဲဟောင်း ဦးခင်ညွန့်သည် တချိန်က အာဏာအရှိဆုံး ပုဂ္ဂိုလ်တဦး ဖြစ်ခဲ့ပြီး ၁၉၉၀ နှစ်များ၌ “ဝ” သွေးစည်းညီညွတ်ရေး တပ်မတော် (UWSA)၊ ကချင်လွတ်လပ်ရေးတပ်မတော် (KIA) တို့နှင့် အပစ်အခတ်ရပ်စဲရေး ကိစ္စများတွင် အဓိက ကျသူတဦး ဖြစ်ခဲ့သည်။

ဦးခင်ညွန့်နှင့် ၎င်း၏ စစ်ထောက်လှမ်းရေးအဖွဲ့များ ဖယ်ရှားခံရပြီးနောက် ယခုလက်ရှိအခြေအနေတွင် စစ်အစိုးရနှင့် တိုင်းရင်းသား အပစ်ရပ် အဖွဲ့များအကြား ဆက်ဆံရေး အကြီးအကျယ်တင်းမာနေကြောင်း တွေ့ရှိရသည်။

ဦးခင်ညွန့်သည် နိုင်ငံတကာနှင့် ဆက်ဆံရေး၌ ထိုးဖောက်နိုင်သည့် ပုဂ္ဂိုလ်အဖြစ် သတ်မှတ်ခံရခဲ့ပြီး စင်္ကာပူဝန်ကြီးချုပ် ဟောင်း လီကွမ်ယုကလည်း ဦးခင်ညွန့်ကို မြန်မာ စစ်အစိုးရ အရာရှိများအနက် အထက်မြက်ဆုံးဟု ချီးမွမ်းခဲ့ဖူးသည်။

ဦးခင်ညွန့်၏ ဇနီး ဒေါက်တာ ဒေါ်ခင်ဝင်းရွှေ၏ အကိုတော်စပ်သူ ဒေါက်တာသန်းငြိမ်းက ယခုပျံ့နှံ့နေသည့် ဗီဒီယိုဖိုင် နှင့်ပတ်သက်၍ မည်သို့မျှ နားမလည်ကြောင်း၊ ဦးခင်ညွန့်၏ မိသားစုနှင့်လည်း အဆက်အသွယ်မရှိသဖြင့် ယခု ဖြစ်ပျက်နေသည့် ကိစ္စများကို မသိရှိကြောင်း ဧရာဝတီသို့ ပြောသည်။

ဦးခင်ညွန့် အာဏာရှိနေစဉ်မှ ၂၀၀၈ အကုန်ပိုင်းအထိ ဒေါက်တာသန်းငြိမ်းသည် နိုင်ငံရေးအကျဉ်းသားအဖြစ် အကျဉ်းကျ ခံနေခဲ့ရပြီး ရွေးကောက်ပွဲ ဝင်ရောက်ယှဉ်ပြိုင်ခဲ့သည့် အမျိုးသားဒီမိုကရေစီအင်အားစု (NDF) ၏ လက်ရှိ ဥက္ကဋ္ဌ ဖြစ်သည်။

နိုင်ငံရေးအကဲခတ်များက ယခုတကြိမ် ဦးခင်ညွန့်ကို ဗိုလ်ချုပ်မှူးကြီးသန်းရွှေက တိုင်းရင်းသားလက်နက်ကိုင်များနှင့် ညှိနှိုင်းရေးတွင်သာ အသုံးချရုံမကဘဲ အတိုက်အခံခေါင်းဆောင် ဒေါ်အောင်ဆန်းစုကြည်နှင့် ဆွေးနွေးရာတွင်ပါ အသုံးချမည်ဟု ခန့်မှန်း ပြောဆိုကြသည်။

ဦးခင်ညွန့်သည် ၂၀၀၃ ခုနှစ်တွင် နိုင်ငံတော်ဝန်ကြီးချုပ် ဖြစ်လာပြီးနောက် ပါတီစုံဒီမိုကရေစီ နိုင်ငံတော်သစ်ဆီသို့ ဟုဆိုကာ လမ်းပြမြေပုံ ၇ ချက်ကို ချမှတ်ခဲ့သည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ တွဲဘက်အတွင်းရေးမှူး ကိုဘိုကြည်က “ဦးခင်ညွန့် ထောင်ချခဲ့တဲ့သူတွေ မနည်းပါဘူး။ တချို့ဆိုရင် ၁၉၈၉ လောက်ကတည်းက အခုချိန်ထိ ထောင်ထဲမှာ ရှိနေကြတုန်းပဲ။ ဒါပေမယ့် အခုလိုမျိုး ဝမ်းနည်းစရာကိစ္စကိုတော့ ကျနော်တို့လည်း မမြင်ချင်ပါဘူး၊ သူ့ကိုမှ မဟုတ်ဘူး၊ ဗိုလ်ချုပ်မှူးကြီး သန်းရွှေကိုလည်း အခုလိုမျိုး အခြေအနေမျိုးမှာ မတွေ့မြင်ချင်ပါဘူး” ဟု ဧရာဝတီသို့ ပြောသည်။

ဦးခင်ညွန့်ကို အဂတိလိုက်စားမှုများဖြင့် ၂၀၀၄ ခုနှစ်တွင် အင်းစိန်ထောင်တွင်း အထူးတရားရုံး၌ စစ်အစိုးရက ထောင်ဒဏ် ၄၄ နှစ် ချမှတ်ခဲ့သော်လည်း နေအိမ်အကျယ်ချုပ်အဖြစ်သာ ချုပ်နှောင်ထားခဲ့သည်။



လွှတ်တော်တွင် ဝေဖန်ပါက ထောင် ၂ နှစ်ကျနိုင်
ဧရာဝတီ Saturday, 27 November 2010 19:15

ပေါ်ပေါက်လာမည့် လွှတ်တော်အတွင်း လွတ်လပ်စွာပြောဆိုခွင့် ပြုမည်ဟု ဆိုသော်လည်း နိုင်ငံတော်လုံခြုံရေးနှင့် ဒို့တာဝန် အရေး (၃)ပါးကို ထိခိုက်ပါက ထောင်ဒဏ် ၂ နှစ်၊ လွှတ်တော်အတွင်း ဆန္ဒပြပါကလည်း ထောင်ဒဏ် ၂ နှစ် ပြစ်ဒဏ် ချမှတ်မည်ဟု ယမန်နေ့တွင် ဗိုလ်ချုပ်မှူးကြီးသန်းရွှေက လက်မှတ်ထိုး ထုတ်ပြန်လိုက်ကြောင်း သိရှိရသည်။ Read more Add comment (1) Hits: 49



စစ်အစိုးရနှင့် DKBA တိုက်ပွဲ ထပ်ဖြစ်
ဧရာဝတီ Saturday, 27 November 2010 18:20

ကရင်ပြည်နယ် မြဝတီမြို့ တောင်ဘက် ၅ မိုင်အကွာ ဒေသတွင် စစ်အစိုးရတပ်များနှင့် DKBA တို့ ယနေ့ တိုက်ပွဲ ဖြစ်ပွားကြောင်း သတင်းရရှိသည်။ ဒေသခံတချို့ ထိုင်းဘက်သို့ ထွက်ပြေးကြကြောင်းလည်း သိရှိရသည်။

ဒုက္ခသည်များအတွက် ဆန်များကို ရယကအဖွဲ့ ကိုယ်ကျိုးအတွက်သုံး
ဧရာဝတီ Friday, 26 November 2010 15:21
ရခိုင်ပြည်နယ် လေဘေးသင့်လူထုအတွက် စစ်တွေမြို့နယ် ခရစ်ယာန် သာသနာပြု အသင်းမှ ဆန်အိတ် ၅၀ ကို နိုဝင်ဘာ ၂၂ ရက်နေ့က လှူဒါန်းခဲ့ရာ ပေါက်တောမြို့နယ် မြေငူကျွန်းရှိ ပြိုင်းတောင် ကျေးရွာအုပ်စုမှ ရယက ဥက္ကဌ ဦးဝေလူနှင့် အဖွဲ့ဝင် ဦးကျော်မောင်တို့က တဦးလျှင် ဆန် ၁၀ အိတ်စီ ယူခဲ့ပြီး ဒုက္ခသည်များကို အိတ် ၃၀ သာ ဝေငှပေးခဲ့ကြောင်း ဒေသခံများက ပြောသည်။

ဒေါ်အောင်ဆန်းစုကြည်နဲ့ စစ်အစိုးရ တွေ့ဆုံဆွေးနွေးဖို့ ထောင်တွင်းမှ တိုက်တွန်း
2010-11-27
ကုန်ဈေးနှုန်းကျဆင်းရေး ဆန္ဒပြတဲ့ နိုင်ငံရေးအကျဉ်းသား ကိုထင်ကျော်က မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ စစ်အစိုးရ ခေါင်းဆောင်တွေ တွေ့ဆုံဆွေးနွေးပြီး မြန်မာ့အရေးကိုဖြေရှင်းဖို့ အကျဉ်းထောင်ထဲကနေ မေတ္တာရပ်ခံ တိုက်တွန်းလိုက်ပါတယ်။

ကိုထင်ကျော်ဟာ ထောင်ဒဏ် ၁၂ နှစ်ခွဲ ချမှတ်ခံထားရပြီး လက်ရှိ စစ်ကိုင်းတိုင်း ခန္တီးထောင်မှာ အကျဉ်းကျခံနေရပါတယ်။

အခုလို တွေ့ဆုံဆွေးနွေးရေး တိုက်တွန်းချက်ကို ပြီးခဲ့တဲ့ရက်ပိုင်းက ထောင်ဝင်စာ သွားတွေ့ခဲ့တဲ့ ဇနီးဖြစ်သူ မသန်းသန်းမော်နဲ့ အမှာစကား ပါးလိုက်တာပါ။ ဒါ့အပြင် ကိုထင်ကျော်က ဒီမိုကရေစီရေး လှုပ်ရှားသူတွေအတွက် သတင်းစကား ပါးလိုက်တယ်လို့ ဇနီးသည် မသန်းသန်းမော်က ပြောပါတယ်။

“ကိုထင်ကျော့် သဘောထားလေးကတော့ ဒေါ်အောင်ဆန်းစုကြည်နဲ့ နိုင်ငံတော် အကြီးအကဲတွေနဲ့ တွေ့ဆုံဆွေးနွေးကြမယ့် ကိစ္စကို သူ့အနေနဲ့လည်း ဝမ်းပမ်းတသာ တောင်းဆိုလိုက်တယ်ပေါ့။ သူ့ရဲ့ နိယာမလေး တခုတော့ ကျမကို ထုတ်ပေးလိုက်တယ်။ ဒါလေးကိုလည်း ဒီမိုကရေစီ လှုပ်ရှားနေတဲ့သူတွေ အားလုံး သိအောင် ပြောပြပေးလိုက်ပါတဲ့။ သူရေးထားကတော့ D= TS2။ ဒီ ဆိုတာက Democracy ဒီမိုကရေစီပေါ့။ တီ ဆိုတာက Trust ယုံကြည်မှုပေါ့။ အက်စ် ဆိုတာက Stemina သက်လုံပေါ့။ ဒီမိုကရေစီ ကိုလိုချင်ရင် ယုံကြည်မှုနဲ့ အားကောင်းတဲ့ သက်လုံနဲ့ မြှောက်လိုက်လို့ရှိရင် ဒီမိုကရေစီဆိုတာ ရနိုင်ပါတယ်ပေါ့။ အဲဒီ သဘောတရားလေးပါ”

လောလောဆယ် ကိုထင်ကျော်ဟာ ကျန်းမာရေး ကောင်းမွန်နေတယ်လို့ ဆိုပါတယ်။ ဒါပေမယ့် သူနဲ့ တတိုက်တည်း အတူ ရှိနေတဲ့ နိုင်ငံရေးအကျဉ်းသား ကိုတင်ထူးအောင်ကတော့ ခါးနာဝေဒနာ ခံစားနေရပြီး ဆေးကုသမှု လုံလုံလောက်လောက် မရရှိဘူးလို့ သိခဲ့ရကြောင်း ကိုထင်ကျော်ရဲ့ ဇနီးဖြစ်သူက ပြောပါတယ်။

“သူနဲ့အတူတူ ဘေးချင်းအခန်းပေါ့။ နိုင်ငံရေးအကျဉ်းသား ရခိုင်အမျိုးသားလေး တင်ထူးအောင်ကတော့ ခါးနာလို့ ဆရာဝန်လာတော့ ဓာတ်မှန်ရိုက်ဖို့ လိုတယ်တဲ့။ လိုတယ်သာ ပြောသွားတာ ခုထိလည်း ဓာတ်မှန် မရိုက်သေးဘူး။ ဆေးကုသမှုလည်း မရှိသေးဘူး ဆိုတာကိုတော့ သူပြောလိုက်ပါတယ်”

ခန္တီး အကျဉ်းထောင်ကို အပို့ခံထားရတဲ့ နိုင်ငံရေး အကျဉ်းသားတွေထဲမှာ လူ့အခွင့်အရေး လှုပ်ရှားသူ မစုစုနွေးလည်း ရှိနေတယ်လို့ သိရပါတယ်။


ရွေးကောက်ပွဲကိစ္စ နိုင်ငံရေးပါတီတွေနဲ့ ကုလကိုယ်စားလှယ် ဆွေးနွေး

By ရန်နိုင် စနေ, 27 နိုဝင်ဘာ 2010

ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီးယားဟာ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ်နဲ့ ၁၉၉၀ ရွေးကောက်ပွဲ လွှတ်တော်ကိုယ်စားပြုကော်မတီက တိုင်းရင်းသားခေါင်းဆောင်တချို့ နဲ့ တွေ့ဆုံခဲ့ကြသလိုပဲ ၂၀၁၀ ရွေးကောက်ပွဲမှာ ၀င်ရောက်ယှဉ်ပြိုင်ခဲ့တဲ့ အတိုက်အခံနိုင်ငံရေးပါတီ တချို့နဲ့လည်း ဒီကနေ့မှာ တွေ့ဆုံခဲ့ပါသေးတယ်။ ဒီတွေ့ဆုံဆွေးနွေးမှုအတွင်းမှာ ၂၀၁၀ ရွေးကောက်ပွဲ အခြေအတွေနဲ့ပတ်သက်ပြီး ပြောဆိုဆွေးနွေးခဲ့ကြပါတယ်။ ဒီအကြောင်း အပြည့်စုံကို ကိုရန်နိုင်က တင်ပြထားပါတယ်။
မြန်မာနိုင်ငံကို ၂ ရက်ကြာခရီးစဉ်အဖြစ်နဲ့ ရောက်ရှိနေတဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီးယားဟာ ၂၀၁၀ ရွေးကောက်ပွဲကို ၀င်ရောက်ယှဉ်ပြိုင်ခဲ့ကြတဲ့ အမျိုးသားဒီမိုကရေစီအင်အားစု (NDF) ပါတီ နဲ့ ဒီမိုကရက်တစ်ပါတီ (မြန်မာ) တို့နဲ့လည်း ရန်ကုန်မြို့ ကုလသမဂ္ဂရုံးမှာ ဒီကနေ့ညနေပိုင်းက တွေ့ဆုံဆွေးနွေးခဲ့ကြပါတယ်။ အဲဒီတွေ့ဆုံဆွေးနွေးမှုအတွင်းမှာ ၂၀၁၀ ရွေးကောက်ပွဲ အခြေအနေတွေနဲ့ အနာဂတ် မြန်မာနိုင်ငံရေးအခြေအနေတွေအပေါ်မှာ အဓိကထား ပြောဆိုဖြစ်ခဲ့တယ်လို့ ဒီမိုကရက်တစ်ပါတီ (မြန်မာ) ရဲ့ ဥက္ကဋ္ဌဖြစ်တဲ့ ဦးသုဝေက အခုလို ပြောပါတယ်။

“သူဆွေးနွေးတာကတော့ ပထမကတော့ ဒီလိုပေါ့။ ကျနော်တို့ ရွေးကောက်ပွဲရဲ့ အခြေအနေတွေပေါ့။ ကျနော်တို့ တွေ့ရကြုံရတဲ့ဟာတွေကို သူက မေးတယ်။ အဲဒီတော့ ရွေးကောက်ပွဲနဲ့ပတ်သက်တဲ့ဟာတွေက တရားမျှတမှု ဘယ်လောက်ရှိလဲ မရှိဘူးပေါ့ဗျာ။ အဲဒါတွေမေးတယ်။ နောက်ပြီးတော့လည်း ကျနော်တို့ပါတီက ဘာတွေ ဆက်ပြီးတော့ လုပ်ဦးမလဲပေါ့။ တခြား လုပ်ငန်းတွေရော ဘယ်လိုလုပ်ပြီးတော့ ရပ်တည်မလဲ။ ရှေ့ဆက်ပြီးတော့ ဘာတွေ တိုင်းပြည်အတွက် လုပ်နိုင်မယ်လို့ထင်သလဲပေါ့။ ဒါမျိုးတွေလည်း သူက မေးပါတယ်။”

ဒီကနေ့ တွေ့ဆုံဆွေးနွေးမှုမှာ ဒီမိုကရက်ပါတီ (မြန်မာ) က ဦးသုဝေနဲ့အတူ တခြားပါတီ ခေါင်းဆောင် ၃ ဦးဖြစ်တဲ့ ဒေါ်သန်းသန်းနု၊ ဒေါ်နေရည်ဗဆွေ နဲ့ ဒေါ်ချိုချိုကျော်ငြိမ်း တို့ပါ ပါဝင်ခဲ့ပြီး ရွေးကောက်ပွဲ မဲမသမာမှုတွေနဲ့ ပတ်သက်ပြီးတော့လည်း ပြောဆို ဆွေးနွေးခဲ့တယ်လို့ ပြောပါတယ်။ ဒါ့အပြင် ဒီမိုကရက်တစ်ပါတီ (မြန်မာ) အနေနဲ့ အနာဂတ် မြန်မာနိုင်ငံရေးမှာတင်မကဘဲ တိုင်းပြည်တိုးတက်ရေးအတွက် လိုအပ်နေတဲ့ တခြားကိစ္စရပ်တွေမှာလည်း တခြားနိုင်ငံရေးပါတီတွေ နဲ့အတူ ပူးပေါင်း လုပ်ဆောင်သွားဖို့အပြင် ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းရဲ့ အဓိက ရည်မှန်းချက်ဖြစ်တဲ့ မြန်မာနိုင်ငံမှာ အမျိုးသား ပြန်လည်သင့်မြတ်ရေး ဖြစ်ပေါ်လာဖို့ကိစ္စနဲ့ ပတ်သက်ပြီးတော့လည်း ပြောဆိုဖြစ်ခဲ့တယ်လို့ ဆိုပါတယ်။ မစ္စတာ နမ်ဘီးယားရဲ့ ခရီးစဉ်အပေါ်မှာတော့ ဦးသုဝေက အခုလို ပြောပါတယ်။

“သူတို့ကတော့ ကျနော်ထင်တယ်။ အခုဟာကတော့ သူတို့အားလုံး တွေ့ဆုံပြီးတဲ့အခါကျတော့ ကျနော်တို့ပါတီတင် မကဘူးပေါ့နော်။ သူက တခြားသောအဖွဲ့တွေနဲ့ ပါတီတွေနဲ့လည်း ဆွေးနွေးမှာပေါ့။ အဲဒီအခါကျတော့ အားလုံးရဲ့ သဘောထားတွေ၊ အားလုံးရဲ့ အတွေ့အကြုံတွေကို စုစည်းပြီးတော့ သူတို့လည်းပဲ ဆုံးဖြတ်ချက်တခုခု ချမှာပေါ့။ အဲဒီတော့ သူတို့က မေးခွန်းတွေမေးတာတွေ မှတ်တာတွေကလည်း ပြေပြေပြစ်ပြစ်ပေါ့၊ ကောင်းပါတယ်။ သူတို့ရဲ့ ဆက်ဆံပုံ ဆက်ဆံနည်းတွေလဲ။ တခြားတော့ မသိဘူးပေါ့နော်။ သို့သော် ကျနော် ထင်တာကတော့ သူတို့ အားလုံး data (အချက်အလက်) တွေရအောင် အရင်ယူပြီးတော့မှ သူတို့ ဆုံးဖြတ်ချင်တဲ့သဘော ရှိပါတယ်။”

ဒါ့အပြင် မစ္စတာ နမ်ဘီးယားဘက်ကလည်း ကုလသမဂ္ဂအနေနဲ့ မြန်မာနိုင်ငံရေး ရှေ့အနာဂတ်အတွက် ဘယ်လို အကူအညီပေးနိုင်မလဲ၊ ဘယ်လိုအကူအညီမျိုးတွေကို လိုအပ်သလဲ စတာတွေကို ပြောဆိုဖြစ်ခဲ့တယ်လို့ ဦးသုဝေက ပြောပါတယ်။ တဘက်မှာလည်း ဒီကနေ့ တွေ့ဆုံဆွေးနွေးခဲ့ကြတဲ့အထဲမှာ ပါဝင်တဲ့ အမျိုးသားဒီမိုကရေစီ အင်အားစုပါတီရဲ့ ခေါင်းဆောင် ဦးခင်မောင်ဆွေကတော့ ဒီတွေ့ဆုံဆွေးနွေးမှုနဲ့ ပတ်သက်ပြီး အခုလို ပြောပါတယ်။

“သူတို့ကတော့ မေးယုံပဲမေးတာပဲ။ မေးခွန်းတွေပဲ ခွမေးနေတာပဲ။ ရွေးကောက်ပွဲက ဘာဖြစ်တယ်၊ ပြည်သူတွေကရော ကျေနပ်ရဲ့လား မကျေနပ်ဘူးလားပေါ့။ ဒါမျိုးတွေပေါ့ဗျာ။ နောက်ပြီးတော့ ရွေးကောက်ပွဲ မသမာမှုတွေက ခင်ဗျားတို့ ဘယ်လိုလုပ်ထားလဲ။ ဒါမျိုးတွေပါပဲ။ အဲဒီတော့ တခြားမှာလည်းပဲ ရှေ့က နိုင်ငံရေးပါတီတွေနဲ့ တွေ့သွားပြီးဆိုတော့ ဒီအကြောင်းအရာတွေအပေါ်မှာ ကျနော်တို့ အမြင်ပေါ့ဗျာ။ ကွဲလွဲတဲ့အမြင်တွေကို သိသွားရင် ပြီးတာပါပဲ။ သိပ်ပြီးတော့လည်း ထူးခြားလှတယ်လို့ မထင်ပါဘူး။ လာပြီးတော့ မေးတဲ့စမ်းတဲ့သဘောပဲ ရှိပါတယ်။ မေးစမ်းပြီးတော့ ဘာလုပ်ပေးနိုင်တယ်၊ ညာလုပ်ပေးနိုင်တယ် ကတိပေးသွားတာလဲ မရှိပါဘူး။ ကျနော်တို့ သိချင်တာနဲ့ ရွေးကောက်ပွဲ သုံးသပ်ချက်ကို လိုချင်တာလောက်ပါပဲ။ သိပ်ပြီးတော့ ထူးခြားလှတယ်မဟုတ်ပါဘူး။”

အမျိုးသားဒီမိုကရေစီအင်အားစုပါတီ ခေါင်းဆောင် ဦးခင်မောင်ဆွေ ပြောပြသွားတာ ဖြစ်ပါတယ်။ ရန်ကုန်မြို့က UNDP ရုံးမှာ ဒီကနေ့ ပြုလုပ်ခဲ့တဲ့ တွေ့ဆုံဆွေးနွေးမှု အတွင်းမှာ မစ္စတာ နမ်ဘီးယားဟာ ဒီမိုကရက်တစ်ပါတီ (မြန်မာ) နဲ့ အမျိုးသားဒီမိုကရေစီအင်အားစု NDF ပါတီတို့အပြင် တခြား နိုင်ငံရေးပါတီတွေနဲ့လည်း တွေ့ဆုံခဲ့တယ်လို့ သိရပါတယ်။



၂၁ ရာစု ပင်လုံကို နိုင်ငံတကာ ထောက်ခံမှုပေးရန် တောင်းဆို
မဇ္ဈိမသတင်းဌာန | သောကြာနေ့၊ နိုဝင်ဘာလ ၂၆ ရက် ၂၀၁၀ ခုနှစ် ၂၂ နာရီ ၄၂ မိနစ်

ချင်းမိုင် (မဇ္ဈိမ)။ ။ ၂၁ ရာစု ပင်လုံညီလာခံ အမြန်ဆုံး အကောင်အထည်ပေါ်လာရေး နိုင်ငံတကာ အသိုင်းအဝိုင်းက ပူးပေါင်းကြရန် မြန်မာ့အရေး ပူးပေါင်းဆောင်ရွက်သူများအဖွဲ့က တိုက်တွန်းသွားသည်။

ဘန်ကောက်မြို့ နိုင်ငံခြားသတင်းထောက်များ ခန်းမတွင် ယနေ့ပြုလုပ်သည့် သတင်းစာရှင်းလင်းပွဲတွင် စစ်မှန်သည့် ပြည်ထောင်စု တည်ဆောက်ရေးအတွက် ဒေါ်အောင်ဆန်းစုကြည်က ၂၁ ရာစု ပင်လုံညီလာခံဟု ခေါ်သော တိုင်းရင်းသားပေါင်းစုံ ပါဝင်သည့် ညီလာခံ အကောင်အထည်ဖော်နိုင်ရေး နိုင်ငံတကာက အသိအမှတ်ပြု ထောက်ခံကြရန် ပန်ကြားလိုက်သည်။

“ဒုတိယ ပင်လုံညီလာခံဆိုတာ အင်မတန်မှ အရေးကြီးတဲ့ လုပ်ငန်းစဉ်တခုဖြစ်တယ်” ဟု မြန်မာ့အရေး ပူးပေါင်း ဆောင်ရွက်သူများအဖွဲ့မှ မခင်ဥမ္မာက ပြောသည်။

ဇိုမီးအမျိုးသား ကွန်ဂရက် ဥက္ကဋ္ဌ ပူကျင့်ရှင်းထန်က တိုင်းရင်းသားလူမျိုးစုများ တန်းတူရေးနှင့် ကိုယ်ပိုင် ပြဋ္ဌာန်းခွင့်ကို အာမခံသော ညီလာခံ ခေါ်ယူရေးတာဝန်ကို ဒေါ်အောင်ဆန်းစုကြည်အား ယခုလ ၂ဝ ရက်က လွှဲပြောင်းပေးခဲ့သည်။

သို့သော်လည်း ရွေးကောက်ပွဲတွင် ၅၉ နေရာ အနိုင်ရခဲ့သော ကျားဖြူခေါ် ရှမ်းတိုင်းရင်းသား ဒီမိုကရက်တစ်ပါတီ ခေါင်းဆောင်တဦးက ဒုတိယပင်လုံညီလာခံ ကျင်းပရန် အချိန်စောသေးသည်ဟု မဇ္ဈိမကို မကြာခင်က ပြောခဲ့ဖူးသည်။

ဝေဖန်သူများကလည်း ဤ၂၁ ရာစု ပင်လုံ ညီလာခံသည် ပဋိပက္ခလမ်းကြောင်းကို ဦးတည်နေပြီး ဒေါ်အောင်ဆန်းစုကြည် ဦးဆောင်လုပ်လျှင် ဖမ်းဆီးခံရနိုင်ကာ နိုင်ငံရေးလှုပ်ရှားမှုများ နှောင့်နှေးသွားမည်ဟု ထင်ကြေး ပေးကြသည်။

မခင်ဥမ္မာကတော့ ဤအခြေအနေမျိုးသည် နိုင်ငံရေးခေါင်းဆောင် အနည်းစု၏ ယူဆချက်သာဖြစ်ပြီး တနိုင်ငံလုံး အတိုင်းအတာနှင့် ယှဉ်ပါက မပြောပလောက်ဟု ဆိုသည်။

မြန်မာအစိုးရအနေဖြင့် ၂၁ ရာစု ပင်လုံညီလာခံကို လက်ခံရန် ခဲယဉ်းသော်လည်း ရွေးကောက်ပွဲဝင် နိုင်ငံရေးပါတီများနှင့် နိုင်ငံတကာ၏ အားပေးထောက်ခံမှု ကျယ်ကျယ်ပြန့်ပြန့် ဖြစ်ပေါ်လာပါက ယခုညီလာခံ အကောင်အထည် ပေါ်လာနိုင်သည်ဟု သူက ယုံကြည်သည်။

ရွေးကောက်ပွဲအပြီးနောက်တရက် ထိုင်းမြန်မာနယ်စပ် တိုက်ပွဲများမှ ကျန်ရှိနေသေးသော စစ်ပြေး ဒုက္ခသည်များကိုလည်း အကူအညီပေးရန် ယနေ့ သတင်းစာရှင်းလင်းပွဲတွင် မခင်ဥမ္မာ ထည့်သွင်း ပြောဆိုသွားသည်။

မဲဆောက်တွင် ပုန်းခိုနေသော စစ်ပြေးဒုက္ခသည် နှစ်ထောင်ရှိနေပြီး ဘုရားသုံးဆူ တွင်လည်း စစ်ပြေးဒုက္ခသည် ၁ဝဝ ကျော် ကျန်နေသေးသည်ဟု မခင်ဥမ္မာက မဇ္ဈိမကို ပြောသည်။

DKBA နှင့် KNU တပ်ဖွဲ့များက နအဖတပ် လာရာလမ်းကြောင်းတွင် ခြေကုပ်ယူထား
November 26, 2010

စောသိန်းမြင့် (ကေအိုင်စီ)

အင်အား ၁၀၀နီးပါးရှိ နအဖ တပ်ဖွဲ့ဝင်များသည် ကရင်ပြည်နယ် မြ၀တီခရိုင် ဝေါ်လေဒေသရှိ နယ်မြေခံတပ်များအား လစာလာ ပေးရန်အတွက် ယနေ့မနက် ရောက်ရှိလာရာ ၎င်းတို့လာရာ လမ်းကြောင်းများကို ဒီကေဘီအေနှင့် ကေအဲန်ယူတပ်ဖွဲ့များက ခြေ ကုပ်နေရာယူထားသောကြောင့် နအဖစစ်တပ်များ တက်လာရန် အခက်ကြုံနေရသည်ဟု သိရသည်။

ဒီကေဘီအေ (၉၀၉)တပ်ရင်းမှူး ဒုဗိုလ်မှူးကြီး စောစတီးက “အခု သူတို့ (နအဖ)ဖလူးရွာကို ရောက်ပြီးလို့ သိရတယ်။ တပ်ရင်းတစ် ရင်းပဲတဲ့။ အင်အား (၇၀-၈၀)ကျော်လောက် ရှိတယ်။ အခုသူတို့ လာမယ့်လမ်းကြောင်းတလျှောက်မှာ ကျနော်တို့လူတွေ အကုန် လုံး စောင့်နေတယ်ဆိုတော့ တက်လာဖို့ အခက်တွေ့နေတယ်။ ကျနော်တို့နယ်မြေထဲကို ၀င်လာရင်တော့ ထိပ်တိုက်ပဲ။ လမ်းအခြေ အနေကို ကြည့်ရင်းလာရတယ်ဆိုတော့ ဒီည သူတို့တပ်တွေ ရှိတဲ့နေရာကို ရောက်ချင်မှ ရောက်မယ်။”ဟု ပြောသည်။

ဝေါ်လေဒေသရှိ နအဖစစ်တပ် စကခ(၈)လက်အောက်ခံတပ်ရင်းများနှင့် တိုင်းတပ်များအား ထုံးစံအတိုင်း လမကုန်ခင် လစာလာ ပေးရန်အတွက် တနင်္သာရီတိုင်းအခြေစိုက် စကခ(၈) လက်အောက်ခံ ခလရ(၆၂)တပ်ရင်းသည် ဘုရားသုံးဆူမြို့နယ် သံဖြူဇရပ်မှ မြ၀တီသို့ ယမန်နေ့က ရောက်ရှိလာပြီး ယနေ့မနက်တွင် မြ၀တီမှတဆင့် ဝေါ်လေဒေသ ဖလူးကျေးရွာသို့ စစ်ကား ၃စီးဖြင့် ရောက် ရှိလာသည်ဟု ဒီကေဘီအေဘက်က ပြောသည်။

လက်ရှိအချိန်တွင် အဆိုပါ နအဖစစ်တပ်များ တက်လာနိုင်မည့်လမ်းကြောင်းများဖြစ်သော ပလောတပို၊ တခေါ်ထူ၊ ကျောက်ခက်၊ ဘလယ်ဒို၊ သေဘောဘိုး၊ လေးဝေါ်၊ ဆုံဆည်းမြိုင်၊ အူကလေ့ထာ့စသည့်နေရာများတွင် ကေအဲန်အယ်လ်အေနှင့် ဒီကေဘီအေ တပ်ဖွဲ့ဝင်များ ၀င်ရောက်နေရာယူထားပြီးဖြစ်ကြောင်း သိရသည်။

ဝေါ်လေဒေသတွင် နအဖစစ်တပ်မှ လှုပ်ရှားတပ်များဖြစ်ကြသော စကခ(၈)လက်အောက်ခံ ခမရ(၄၀၁)၊ (၄၀၄)၊ (၄၀၉)တပ်ရင်း များနှင့် တိုင်းတပ်မှ ခလရ(၉၇)တပ်ရင်းတို့သည် ယခုလို ၀င်ရောက်လာသော ခလရ(၆၂)တပ်ရင်းအတွက် လုံခြုံရေးယူပေးနိုင်ခြင်း မရှိကြောင်း ကေအဲန်အယ်လ်အေ တပ်ရင်း(၂၀၁)မှ တပ်ကြပ်ကြီး စောထီးခုက ယခုလို ပြောသည်။

“ဒီမှာရှိ နအဖ လှုပ်ရှားတဲ့တပ်တွေက လှုပ်ရှားတပ်ပဲ အမည်ခံပဲဖြစ်နေတယ်။ တချိန်လုံး စခန်းထဲမှာပဲ ပုန်းအောင်းနေတယ်။ သူတို့ အတွက်လည်း သူတို့က လုံခြုံရေးယူထားရတယ်ဆိုတော့ အခု တက်လာတဲ့ တပ်ရင်းကို ဘယ်လိုလုပ်လာပြီးတော့ လုံခြုံရေးလာ ယူပေးနိုင်မှာလဲ။”ဟု ကေအိုင်စီကို ပြောသည်။

ဝေါ်လေဒေသ ဘုရင့်နောင်ကုန်း၊ ကနဲလေး၊ မောခီးတို့တွင် လှုပ်ရှားနေသော နအဖ စကခ(၈)နှင့် တိုင်းတပ်မှ တပ်ရင်းများသည် ယခုလဆန်းပိုင်းက နအဖနှင့် ဒီကေဘီအေ တပ်ဖွဲ့တို့ကြား အပြန်အလှန် ပစ်ခတ်မှုဖြစ်ပွားခဲ့ပြီးနောက်ပိုင်း ထီးတပလယ်ကျေးရွာ တောင်ကုန်းရှိ ခလရ(၉၇)တပ်ရင်းသည် ရိက္ခာပြတ်လပ်မည့် အခြေအနေတွင် ရှိသည်ဟုလည်း သိရသည်။






ဒေါ်အောင်ဆန်းစုကြည် ရခိုင်လူငယ်များနှင့် တွေ့ဆုံမည်
November 28, 2010

ရခိုင်ပြည်နယ်ထဲမှ ဒီမိုကရေစီအရေး တက်ကြွစွာ လူပ်ရှားဆောင်ရွက်နေသည့် ရခိုင်လူငယ် ၆ ဦးနှင့် တွေ့ဆုံလိုကြောင်း ဒေါ်အောင်ဆန်းစုကြည်မှ ပြောဆိုသည်ဟု ဒေါ်အောင်ဆန်းစုကြည်နှင့် တွေ့ဆုံခွင့်ရခဲ့သူ ရခိုင်အမျိုးသမီး မပံသုစံက ပြောသည်။

သူမက “ကျွန်မ ဒီလ ၂၄ ရက်နေ့ ညနေပိုင်းမှာ တခြား ခေါင်းဆောင်တွေနဲ့ အတူ ဒေါ်စုကို တွေ့ခွင့် ရခဲ့ပါတယ်။ အဲဒီမှာ ရခိုင်အမျိုးသားတွေဆီက ဒေါ်အောင်ဆန်းစုကြည်ကို ပေးပို့တဲ့ အိတ်ဖွင့်ပေးစာကို သွားပေးစဉ်မှာ ခုလို ပြောဆိုခဲ့တာ ဖြစ်ပါတယ်” ဟု ပြောသည်။

၎င်းပြင်သူမက “ကျွန်မတို့ ရခိုင် လူငယ်တွေက အခု New Generation အဖွဲ့အနေနဲ့ ဒီမိုကရေစီ အရေးအတွက် လူပ်ရှားနေတာတွေ ရှိပါတယ်။ အဲဒီအဖွဲ့ အကြောင်းကို ပြောပြတဲ့ အခါ သူမက လူငယ် ၆ ဦးနဲ့ တွေ့ချင်တယ်လို့ ကျွန်မကို ပြောလိုက်ပါတယ်။ ဘယ်နေ့ တွေ့ဖြစ်မယ်ဆိုတာတော့ မသိရသေးပါဘူး” ဟု ပြောသည်။

ရခိုင်အမျိုးသားများက ဒေါ်စုထံသို့ ပေးပို့သော အိတ်ဖွင့်ပေးစာ ကိစ္စမေးမြန်းရာ သူမက ယခုကဲ့သို့ ပြောသည်။

“ ရခိုင်အမျိုးသားတွေက ဒေါ်စု လွတ်လာပြီးတဲ့နောက်ပိုင်းမှာ အိတ်ဖွင့်ပေးစာတွေကို ရေးသား ပေးပို့ ကြပါ တယ်။ အင်တာနက် အီးမေးလ်က တဆင့် ရေးတဲ့ စာတွေလည်း ပါတာ ပေါ့လေ။ အဲဒီစာတွေကို စုပေါင်းပြီး ကျွန်မက ယူသွားပြီး ဒေါ်စုကို ပေးခဲ့တာ ဖြစ်ပါတယ်။ စာထဲမှာ အများစု ရေးသားထားကတော့ ဂီရိကြောင့် ဒုက္ခရောက်နေကြတဲ့ လေဘေးသင့် ရခိုင်ပြည်သူတွေကို ဒေါ်စု အနေနဲ့ မေ့မထားဖို့နဲ့ ကယ်တင်ဖို့ ဆိုတာရယ်။ နောက်အကြောင်းအရာတွေက လက်ရှိ မီးရထားလမ်းဖေါက်လုပ်နေတဲ့ နေရာမှာ မြောက်ဦးမြို့က ရခိုင် ရှေးဟောင်း အမွေအနှစ်ပျက်စီးဆုံးရှုံးနေတာကို ၀င်ရောက်ဟန့်တားဖို့နဲ့ ကန့်ကွက်ရှုတ်ချပေးဖို့ တောင်းဆိုထားတဲ့ စာတွေ ဖြစ်ပါတယ်။ ဒေါ်စုဟာ တိုင်းရင်းသားတွေရဲ့ ခံစားနေရတဲ့ ခံစားမူတွေကို နားအလည်ဆုံး ဗမာ ခေါင်းဆောင် တစ်ဦးဖြစ်တဲ့ အတွက် ရခိုင်လူမျိုးတွေရဲ့ ယုံကြည်မူတွေကို ပိုရအောင် ဒါတွေကို လုပ်ဆောင်ပေးဖို့ တိုက်တွန်းရေးသားထားတဲ့ စာတွေ ဖြစ်ပါတယ်။”

အဆိုပါ အိတ်ဖွင့်ပေးစာတွင် ရေးသားထားသော စာများကိစ္စကို ဒေါ်အောင်ဆန်းစုကြည်မှ ယခုကဲ့သို့ ပြန်ပြောခဲ့သည်ဟု သူမက ပြောသည်။

“ ဒေါ်စုက လက်ရှိ ဂီရိ မုန်တ်ိုင်းကြောင့် ရခိုင်ပြည်သူတွေ အတိဒုက္ခခံစားနေရတာတွေကို ကြားသိ နေရ တယ်လို့ ပြောပါတယ်။ ဒါတွေအတွက် သူမ အနေနဲ့ အထူး စိတ်မကောင်းဖြစ်ကြောင်း ပြောဆိုပါတယ်။ ရခိုင်လေဘေးအတွက် သိန်း ၅၀ သူမအနေနဲ့ ကူညီပေးထားတယ်ဆိုတဲ့ အကြောင်း ပြောပါတယ်။ မြောက်ဦးမှာ ရခိုင်ရှေးဟောင်း ယဉ်ကျေးမူ အမွေအနှစ်တွေကို ဖျက်ဆီးနေတဲ့ ကိစ္စ ဒေါ်စု အနေနဲ့ လေ့လာဖို့ လိုနေသေးတယ်လို့ ပြောပါတယ်။ သူမအနေနဲ့ ကန့်သတ်ချက်တွေ များစွာရှိနေသေးတဲ့ အတွက် လူသိရှင်ကြား ထုတ်ဖေါ် ပြောဆိုနိုင်ခြင်း မရှိသေးတာကို နားလည် ခွင့်လွှတ်ဖို့ ပြောပါတယ်။”

၎င်းပြင် ဒေါ်အောင်ဆန်းစုကြည်မှ ရခိုင်အမျိုးသားများကို သူမ အနေနဲ့ အလေးထားပီး သူမထံသို့ စာရေးသား ပေးပို့ကြသည့် အတွက် ကျေးဇူးတင်ကြောင်း ပြောဆိုသည်ဟု မပံသုစံက ပြောသည်။

“ ဒေါ်စု ပြောတာကတော့ တိုင်းရင်းသားတွေက ဗမာတွေကို မကျေနပ်မူတွေ ရှိနေတုန်းဘဲလို့ ပြောပါတယ်။ ခုလို ဖြစ်ရတာကလည်း မဆလ ခေတ်နဲ့ လက်ရှိ စစ်အာဏာရှင်တွေ ခေတ်တလျောက်မှာ တိုင်းရင်းသားတွေ အပေါ် ဖိနှိပ်မူတွေ ရှိခဲ့လို့ ဖြစ်တယ်။ ခုလို အခြေအနေတွေကြောင့် တချို့ တိုင်းရင်းသားခေါင်းဆောင်တွေ ဆိုရင် အခုအချိန်ထိ သူမနဲ့ လက်တွဲ လုပ်ဆောင်ဖို့ မ၀ံ့မရဲ ဖြစ်နေတုန်းဘဲလို့ ပြောပါတယ်။ ဒါပေမယ့် ရခိုင် ခေါင်းဆောင် အများစုကတော့ သမိုင်းအရ မကျေနပ်မူတွေ ရှိနေပေမယ့် သူမနဲ့ လက်တွဲပြီးတော့ မြန်မာ ဒီမိုကရေစီအရေး အတွက် ပူးပေါင်းဆောင်ရွက် လုပ်ကိုင်နေတာတွေ ရှိတယ်။ အဲဒီအတွက် သူမအနေနဲ့ ကျေးဇူးတင်ကြောင်းနဲ့ ၀မ်းသာတယ်လို့ ပြောဆိုပါတယ်။”

မပံသုစံမှာ ရခိုင်အမျိုးသမီး ခေါင်းဆောင် တစ်ဦး ဖြစ်ပြီး လူမူရေး လုပ်ငန်းများကို တက်ကြွစွာဆောင် ရွက်နေသူ အမျိုးသမီး တစ်ဦး ဖြစ်သည်။

နယ်စပ်တ၀ိုက်သုံး ထိုင်းလက်ကိုင်ဖုန်းများကို နအဖအာဏာပိုင်တို့သိမ်း
November 27, 2010

ယခင်အပတ်မှစ၍ သျှမ်းပြည်အရှေ့ပိုင်း ပုံပါကျင်မြို့နယ်ခွဲ ဒေသခံများထံမှ ထိုင်းလက်ကိုင်ဖုန်းအလုံး ၆၀ ကျော်ကို အာဏာပိုင်များဖမ်းဆီး သိမ်းယူသည်ဟု နယ်စပ်သတင်းရပ်ကွက်က ဆိုပါသည်။

“ရွေးကောက်ပွဲလောက်ကစပြီး အခြေအနေက ကြပ်နေတာ။ ပြည်ပကိုသတင်းတွေရောက်မှာ စိုးလို့နေမှာပေါ့။ အလုံးပေါင်း ၆၀ လောက်သိမ်းယူသွားတယ်။ စင်းမ်းကဒ်တွေရောဘဲ။ တချို့တော့ ဖုန်းဘဲယူသွားတယ်။ တချို့ကို တော့ လူပါ ခေါ်မေးတယ့် ” – နယ်စပ်ရောက် မိုင်းတုံဒေသခံတဦးကပြောသည်။

နယ်စပ်ဒေသတ၀ိုက် ပြည်ပလက်ကိုင်ဖုန်းများအသုံးပြုလာကြသည်မှာ မိုင်းဆတ်၊ မိုင်းတုံ၊ ပုံပါကျင်ဒေသများ သာမဟုတ်။ သျှမ်း ပြည် အရှေ့ပိုင်းတွင်မိုင်းဖြတ်၊ တာလေ၊မိုင်းဖုန်း၊ တာချီလိတ် တို့၌လည်းကျယ်ကျယ်ပြန့်ပြန့် အသုံးပြုနေ၏။

သျှမ်းပြည်မြောက်ပိုင်းတလွှား မူဆယ်၊ နမ့်ခမ်း၊ သိန္နီ၊ လားရှိုး၊ တန့်ယန်း၊ မိုင်းရှူး မြို့နယ်များနှင့်အရှေ့ပိုင်း NDAA-ESS မိုင်းလား၊ UWSA ၀ ထိန်းချုပ်နယ်မြေတို့တွင် တရုတ်အိမ်ဖုန်း၊ လက်ကိုင်ဖုန်း များတွင်တွင်ကြီးအသုံးပြုခဲ့ကြ သည်မှာ ၁၀ နှစ်ကျော်ခန့်ရှိပြီဖြစ်၏။

“ ပြည်ပလက်ကိုင်ဖုန်းတွေ ကျယ်ကျယ်ပြန့်ပြန့်သုံးနေတာဟာ ဒေသခံလူထုအတွက်သာမက အာဏာပိုင်တွေ အတွက်ပါ အကျိုးရှိ တာဘဲ။ နေရာတိုင်း မြို့နယ်တိုင်းမှာ အာဏာပိုင်တွေ၊ အရာရှိတွေကိုယ်တိုင်က သုံးနေတာ။ အစိုးရထုတ်ပေးတဲ့ဖုန်းထက်သုံး လွယ်တယ်။ ဈေးလည်းပေါတယ်လေ” – ဟု နယ်စပ်နေ အသက် ၅၀ ကျော် ပုဂ္ဂိုလ်တဦးကပြောသည်။

ပုံပါကျင် လက်ကိုင်ဖုန်းသိမ်းယူမှုသည် ၁- ရွေးကောက်ပွဲသတင်း၊ လူ့အခွင့်အရေး ချိုးဖောက်ခံရမှုသတင်းများ အဆက်မပြတ် ထွက်ပေါ်နေခြင်းကို ပိတ်ပင်လိုခြင်း၊ ၂- ပြည်ပလက်ကိုင်ဖုန်းများ ပေါ်ထင်တွင်ကျယ်စွာပြန့်ပွါး လာမှုကိုတားမြစ်လိုခြင်း အပြင် ၃- ရိုက်စားလာဘ်ထိုးငွေ တိုးမြှင့်ရယူလိုခြင်းတို့ကြောင့်ဖြစ်သည်ဟုဆို၏။

“လာဘ်ထိုးငွေ တိုးရချင်တယ် ဆိုတာက – ကားလိုင်စင်လုပ်ပေးသလိုပေါ့။ ဘာမှကြိုတင်အသိပေးအကြောင်းကြား တာမဟုတ်ဘဲ လုပ်ပေးလိုက်ရပ်လိုက်။ နောက်ပိုင်း လိုင်စင်မဲ့ ကားတွေဖမ်းလိုက်။ ကားပိုင်ရှင်တွေလဲ အဖမ်း မခံရအောင် လာဘ်ထိုးတယ်။ ခွံ့ကျွေးတယ်။ အခုလဲ အဲလိုဘဲ။ လက်ကိုင်ဖုန်းတွေဖမ်း တာလဲ အတူတူအနူနူဘဲ” ပြည်ပလက်ကိုင်ဖုန်းကိုင်ဆောင်အသုံးပြုနေသည်မှာ သျှမ်းပြည်မှတင်မက တနင်္သာရီတိုင်း၊ ကယားပြည်၊ ကရင်ပြည်၊မွန်ပြည်၊ ရခိုင်ပြည်နှင့် ကချင်ပြည် နယ်စပ်မြို့များ၌လည်း ထိုင်း၊ တရုတ်၊ အိန္ဒိယလက်ကိုင်းဖုန်း အများအပြား အသုံးပြုနေသည်ကို တွေ့ရှိရသည်။