(ဒီမိုဝေယံထံမှ ကူးယူတင်ပြပါသည်)
နှစ်သစ်ကူး နှုတ်ခွန်းဆက် သဝဏ်လွှာ
နှစ်ဟောင်းလွန်မြောက် နှစ်သစ်ရောက်ချိန်တွင် ကျွန်မ၏ နိုင်ငံရေးဘဝ ဖြတ်သန်းမှုကို ပြန်လည် သုံးသပ်ကြည့်သောအခါ.. ပြည်သူလူထု၏ ဒီမိုကရေစီနှင့် လူအခွင့်အရေးအတွက် ကြိုးပမ်းသည့်ကာလ၊ နေအိမ်အကျယ်ချုပ် ကျခံသည့်ကာလ၊ ပြန်လည် လွတ်မြောက်လာသည့်ကာလ ဟူ၍ ကာလသုံးပါးကို တွေ့မြင်ရပါသည်.။
ယင်းကာလသုံးပါးစလုံးတွင် ကျွန်မအတွက်လည်းကောင်း၊ ကျွန်မ၏ ရည်မှန်းချက်အတွက် လည်းကောင်း.၊ ကျမ၏ ကြိုးပမ်း ဆောင်ရွက်မှုများ အတွက်လည်းကောင်း၊ ထောက်ခံသူ အားပေးသူ ကူညီသူ အမြောက်အများရှိပါသည်။ နိုင်ငံ့ခေါင်းဆောင်များ၊ ဘာသာရေးခေါင်းဆောင်ကြီးများ၊ ငြိမ်းချမ်းရေး နိုဘယ် ဆုရှင်များ အပါအဝင်..ပုဂ္ဂိုလ်များ၊ ကုလသမဂ္ဂ၊ ဥရောပသမဂ္ဂ၊ အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ စသည်စသည်ပါဝင်သော အဖွဲ့အစည်းများ၊ အမေရိကန်နှင့် ဥရောပနိုင်ငံအများအပြားမှ နိုင်ငံသူ နိုင်ငံသားများ၊ ပြည်တွင်းပြည်ပမှ ကျွန်မတို့ တိုင်းရင်းသား ပြည်သူများ ပါဝင်ကြပါတယ်..။
ထိုသူများ၏ ကာယကံအားဖြင့်၊ ဝစီကံအားဖြင့်၊ မနောကံအားဖြင့် ရိုင်းပင်း ကူညီခဲ့သူများအတွက် ကျွန်မက အထူးတလည် ကျေးဇူးဥပကာရ တင်ရှိပါကြောင်း အထူးတလည် ဖော်ပြအပ်ပါတယ်..။
အထူးသဖြင့် ယခုတစ်ကြိမ် ပြန်လွတ်ရာတွင် ပိုမို တက်ကြွနေသော လူငယ်များအပါအဝင် ပြည်သူများမှ အင်တိုက်အားတိုက် ထောက်ခံ အားပေးမှုကြောင့် ကျွန်မအလွန် ဝမ်းမြောက် ကြည်နှူးရပါသည်။ အမျိုးသားပြန်လည် သင့်မြတ်မှုရရှိရေး စစ်မှန်သော ပြည်ထောင်စုစိတ်ဓာတ် တဖန်နိုးထ ရှင်သန်လာရေးတို့ အတွက် ပြည်သူ့နိုင်ငံရေး လူမှုကွန်ယက်ကြီး တစ်ရပ် ထူထောင်ခြင်းဖြင့် ကျွန်မတို့ မဖြစ်မနေ ကြိုးပမ်းရပါဦးမယ်။ မင်္ဂလာနှစ်သစ်တွင် ခွန်သစ်အားသစ် လုပ်ငန်းပုံစံသစ်ဖြင့် တိုင်းရင်းသားပြည်သူအားလုံး လက်တွဲကြိုးပမ်းကြပါစို့ဟု နှိုးဆော်ရင်း နှုတ်ခွန်း ဆက်သလိုက်ပါသည်.။
ရက်စွဲ ၁-၁-၂၀၁၁
မိုကရေစီရေး မုချအောင်ရမည်.
အောင်ဆန်းစုကြည်
Saturday, January 1, 2011
လူထုခေါင်းဆောင် ဒေါ်အောင်ဆန်းစုကြည်၏ နှစ်သစ်ကူး နှစ်သစ်ကူး နှုတ်ခွန်းဆက် သဝဏ်လွှာ
Sunday, May 30, 2010
မေ(၃၀)ဒီပဲယင်း နိူင်ငံတော် လုပ်ကြံမှုကြီး (၇)နှစ်ပြည့် ၀မ်းနည်းခြင်း အထိမ်းအမှတ် အခမ်းအနား(တိုကျို)။
၂၀၁၀ ခုနှစ် မေလ(၃၀)ရက်။
မေ(၃၀)ဒီပဲယင်း နိူင်ငံတော် လုပ်ကြံမှုကြီး (၇)နှစ်ပြည့် ၀မ်းနည်းခြင်း အထိမ်းအမှတ်နှင့် ဘာသာပေါင်းစုံ ဆုတောင်းပွဲ အခမ်းအနားကို တိုကျိုမြို့  ရှီနာဂါဝါ အရပ်ရှိ မြန်မာစစ်အခွန်ရုံး(သံရုံး)ရှေ့ တွင် နေ့ လည် ၃း၀၀ နာရီမှ ၄း၄၀ရီ အထိ ဂျပန်နိူင်ငံရောက် မြန်မာ့ဒီမိုကရေစီ အင်အားစုများတို့မှ ပူးပေါင်း ကျင်းပပြုလုပ်ခဲ့ပါသည်။
အခမ်းအနားမှူးအဖြစ် အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဂျပန်ဋ္ဌာနခွဲ့ အထွေထွေ အတွင်းရေးမှူး ဦးဇော်မင်းထွန်း မှ တာဝန်ယူဆောင်ရွက်ပြီး ဒီပဲယင်းလုပ်ကြံမှုနှင့် ပတ်သက်၍ ရှင်းလင်းပြောကြားရာမှာ လူထုခေါင်းဆောင် ဒေါ်အောင်ဆန်းစုကြည်နှင့် သူရဦးတင်ဦးတို့၏ မြန်မာပြည် အထက်ပိုင်း စည်းရုံးရေးခရီးစဉ်တလျှောက်တွင် လူထုထောက်ခံအားပေးမှု အထူးရရှိခဲ့သည့်အတွက် နအဖ စစ်အုပ်စုမှ အလွန်စိုးရိမ်လာသည်အတွက် ဒီပဲယင်းမြို့နယ် ကျည်ရွာအနီးတွင် စနစ်တကျ ချုံခိုတိုက်ခိုက်သည့် နိုင်ငံတော် လုပ်ကြံမှုကြီးကို ကျုးလွန်ခဲ့ကြပါသည်။
လူထုခေါင်းဆောင် ဒေါ်အောင်ဆန်းစုကြည်နှင့် သူရဦးတင်ဦးတို့၏ အသက်ကို ကာကွယ်ရင်း အသက်ပေး စွန့်လှုခဲ့ကြသည့် သူများအတွက် ၀မ်းနည်းခြင်းအထိမ်းအမှတ်အဖြစ် ဘာသာပေါင်းစုံ ဆုတောင်းပွဲ အစီအစဉ် ကျင်းပပြုလုပ်ရခြင်းဖြစ်ကြောင်း ပြောကြားသွားပါသည်။ တက်ရောက်လာကြသည့် အဖွဲ့အစည်းအသီးသီးမှ တာဝန်ရှိသူများ ပြောကြားသွာရာမှာ မေ(၃၀)ဒီပဲယင်း လုပ်ကြံမှုတွင် ပါဝင်ခဲ့ကြသည့် သူများကိုလည်း ယနေ့အထိ တစုံတရာ အရေးယူ ဖြေရှင်းပြေးသည်ကိုလည်း မတွေ့ရသည့်အတွက် အရေးယူ ဖြေရှင်းပေးရန်တိုက်တွန်း တောင်းဆိုသွားခဲ့ကြပါသည်။
ဆုတောင်းပွဲ အစီအစဉ်မှာ ဗုဒ္ဓဘာသာ ဆရာတော် ဦးဓမ္မဇောတိ မှလည်ကောင်း၊ ခရစ်ယာန်ဘာသာဆရာ ဆရာကျဲဆန်းကုန်း နှင့် အစ္စလာမ်ဘာသာဝင် ဦးသက်လင်းတို့မှ မိမိတို့ ဘာသာအလိုက် ဆုတောင်း မေတ္တာပို့သပေးခဲ့ကြပြီးသည်နောက် လွတ်သူ့ ပန်းခွေချခြင်း အစီအစဉ်ပြုလုပ်ကာ အခမ်းအနားကို ပြီးဆုံးခဲ့ပါသည်။
ယနေ့ အခမ်းအနားတွင် ဂျပန်နိူင်ငံရောက် မြန်မာ့ဒီမိုကရေစီ တက်ကြွစွာ လှုပ်ရှားခဲ့ကြသည့် မြန်မာနိူင်ငံသားများ စုစုပေါင်း (၅၀၀) ခန့် တက်ရောက်ပူးပေါင်း ပါဝင်ခဲ့ကြပါသည်။
သတင်းမှတ်တမ်း။ Mai Kyaw Oo
Monday, May 17, 2010
Sunday, May 16, 2010-ဂျပန်နိုင်ငံရှိ မြန်မာ့ဒီမိုကရေစီရေး လှုပ်ရှားသောအဖွဲ့ အစည်းများအကြား ထိရောက်စွာပူးပေါင်းဆာင်ရွက်နိူင်သွားရန် ညိုနှိုင်းစည်းဝေး။
ယနေ့ (၁၆-၀၅-၂၀၁၀)နေ့ တွင် ဂျပန်နိုင်ငံတိုကျိုမြို့ ရှိ ညီညွတ်သော တိုင်းရင်းသားများအဖွဲ့ အစည်း(AUN-Japan)ရုံးခန်းတွင် ဂျပန်နိုင်ငံရှိ မြန်မာ့ဒီမိုကရေစီရေးကို ဆောင်ရွက်နေသောအဖွဲ့ အစည်းများအကြား ပူးပေါင်းဆောင်ရွက်ရန် အထူးအစည်းအဝေး တစ်ခုကို ကျင်းပခဲ့ရာ အောက်ပါ အခမ်းအနား(၂)ခုကို အားလုံးလက်တွဲ ကျင်းပသွားရန် သဘောတူ ဆုံးဖြတ်ခဲ့ပါသည်။
(၁) (၇)နှစ်မြောက် ဒီပဲယင်းနှစ်ပတ်လည်အခမ်းအနား။
(၂)၂၀၁၀ ရွေးကောက်ပွဲနှင့် ပတ်သက်၍ ဂျပန်ရောက်မြန်မာနိုင်ငံသားများ၏ ဆန္ဒဖော်ထုတ်ပွဲ။
(၁) (၇)နှစ်မြောက် ဒီပဲယင်းနှစ်ပတ်လည် အခမ်းအနားကို လာမည့်(၃၀-၀၅-၂၀၁၀)နေ့ တွင် ဂျပန်နိုင်ငံ တိုကျိုမြို့ ရှိ နအဖ အခွန်ရုံးရှေ့ တွင် ညနေ(၃)နာရီမှ (၅)နာရီ အထိအဖွဲ့ အစည်းအားလုံးပူးပေါင်း ဆောင်ရွက်ကျင်းပသွားရန် သဘောတူညီခဲ့ပြီး အမျိုးသားဒီမိုကရေစီအဖွဲ့ ချုပ်လွတ်မြောက်နယ်မြေ(ဂျပန်ဌာနခွဲ) NLD-LA-JAPAN မှအခမ်းအနားမှူးတာဝန်ကို တာဝန်ယူရန်အများ သဘောတူ ဆုံးဖြတ်ခဲ့သည်။
(၂) ၂၀၁၀ ရွေးကောက်ပွဲ နှင့် ပတ်သက်၍ ဂျပန်ရောက် မြန်မာနိုင်ငံသားများ၏ ဆန္ဒဖော်ထုတ်ပွဲ အဆိုပါ အခမ်းအနားကို BURMA PARTNERSHIP ၏ GLOBAL CAMPAIGN အနေဖြင့် ဂျပန်နိုင်ငံရှိ မြန်မာ့နိုင်ငံရေးအဖွဲ့ အစည်းအားလုံး ပူးပေါင်းဆောင်ရွက်ခြင်း ဖြစ်ပြီး ၊ ယခင်ကတည်းက ဂျပန်နိုင်ငံတွင် ပြုလုပ်သွားရန် ဂျပန်နိုင်ငံရှိ နိုင်ငံရေး အဖွဲ့ အစည်းများက စီစဉ်နေခဲ့သော အစီအစဉ်ဖြစ်သည်။ အခမ်းအနားကို
အိခဲဘုခုရို ရှိ ခင်းခိုးပလာဇာ(7-F)တွင် လာမည့်(၁၃-၀၆-၂၀၁၀)နေ့ ၌ မွန်းလွဲ (၁) နာရီမှ (၅)နာရီအထိ ပြုလုပ်မည်ဖြစ်ပြီး အခမ်းအနားမှူးတာဝန်ကို မြန်မာ့ဒီမိုကရေစီရေး ပူးပေါင်းဆောင်ရွက်မှုကော်မတီ(JAC) မှတာဝန်ယူရန် အများသဘောတူ ဆုံးဖြတ်ခဲ့ကြသည်။
သတင်းမှတ်တမ်း။ ကိုဘုန်းလှိုင်
မှတ်တမ်းဓါတ်ပုံ။ Lian Khan Sum(CNC-Japan)
Posts
