တရားမျှတမှုဆိတ်သုဉ်းနေသော နအဖအာဏာရှင်စနစ်ကို နိဂုံးချုပ်ကြစို့ -ခင်မမမျိုး

FROM TOM BROWN

တရားမျှတမှုဆိတ်သုဉ်းနေသော နအဖအာဏာရှင်စနစ်ကို နိဂုံးချုပ်ကြစို့

အနှစ်နှစ်ဆယ်ကျော်ကာလ။

နဝတ၊နအဖလက်ထက်မှာ လူဖြစ်နေကြရသော မြန်မာပြည်သူတို့ဘဝတွင် ပျက်စီးဆုံးရှုံးမှုများကား ရေတွက်၍ပင်မရ။ ပြည်သူတို့၏ အသက်အိုးအိမ်စည်းစိမ်ကို ကာကွယ်ရမည့်သူများက ပြည်သူ့အသက်ကို သတ်၍ စည်းစိမ်ဥစ္စာတို့ကို လုယူခဲ့ကြလေပြီ။

ပြည်သူတို့ဆန်ကြမ်းစားပြီး၊ အချို့မှာထမင်းရေသောက်နေရချိန်တွင် နအဖနှင့်အပေါင်းအပါများကား ဟိုတယ်၊ စားသောက်ဆိုင်များတွင် နိုင်ငံပေါင်းစုံမှ အစားအသောက်များမှီဝဲနေကြသည်။ ယမကာမျိုးစုံကို မှီဝဲနေကြသည်။ စားဝတ်နေရေး မပြေလည်၍ မိသားစုအတွက် ဘဝနစ်မွန်းခံကာ စရိတ်စက ရှာဖွေနေကြရသော မြန်မာမိန်းကလေးငယ်များနှင့် ပျော်ပါးနေကြသည်။

ပြည်သူတို့ အဝတ်အစား (၃)၊(၄)စုံနှင့် ဘဝခရီးကြမ်းထဲ ရုန်းကန်နေကြချိန်တွင် နအဖနှင့်အပေါင်းအပါတို့၏ ဇနီးသားမယားများ၏ လည်တိုင်များ၌သိန်းပေါင်း ထောင်ချီတန်သည့် စိန်တန်ဆာများ ဆင်မြန်းထားကြသည်။ ဖခင်နှင့် ခင်ပွန်းဖြစ်သူ၏ လစာနှင့် ဝယ်ထားပါသည်ဟု အဘယ်နအဖ ဇနီးနှင့် သမီးတို့ဆိုဝံ့သနည်း။

ပြည်သူတို့ အမိုးအကာလေး အောက်မှာနေရဖို့ အသည်းအသန် ကြိုးစားနေရချိန်တွင် နအဖတို့မှာကား၊ တိုက်တစ်လုံးပြီး တစ်လုံး တိုးတက်ပိုင်ဆိုင်လာကြသည်။ ယင်းသို့သောသူများက အမိုးအကာအောက်မှနေပြီး၊ စားရမဲ့သောက်ရမဲ့ပြည်သူများကို နေစရာပါမဲ့အောင် အိမ်များဖျက်၊ ရွာများမီးရှို့လုပ်ရက်နေကြသည်။

ပြည်သူတို့မှာကား အဆမတန်ကြီးထွားလာသော ကုန်ဈေးနှုန်းနှင့် အမှီလိုက်နိုင်အောင် ကိုယ်ဆင်းရဲ၊ စိတ်ဆင်းရဲ ရုန်းကန်နေကြရသည်။ လောကပါလတရားဖြစ်သည့် တရားမျှတမှုဆိုသည်ကား အဘယ်နည်း။

ဤကြားထဲတစ်ပူပေါ်နှစ်ပူဆင့်စေသည်က နအဖတို့ကျင့်သုံးနေသော တရားစီရင်ရေးစနစ်၏ တရားမမျှတမှု။ 'အသက်တစ်ရာမနေရ၊ အမှုတစ်ရာကြုံရ" ဆိုသကဲ့သို့ လူထုကြားတွင်လဲ အမှုအခင်းများရှိနေတတ်စမြဲ။ အမွေလုမှု၊ ခိုးမှု၊ လူသတ်မှု၊ လိမ်လည်ဖျားယောင်းမှု စသည်စသည်။ တရားဥပဒေဟူသည် ကြီးသည့်အမှုငယ်အောင်၊ ငယ်သည့်အမှုပပျောက်အောင် ပြုလုပ်ပေးရစမြဲ။

သို့ရာတွင် နအဖလက်ထက် အမှုများသည်ကား မရှိရှိအောင်၊ မကြီးကြီးအောင် ချဲ့ထွင်ခံရတတ်သည်။ ရှေ့နေများ၊ တရားသူကြီးများ၊ ရုံးစာရေးများကို အဆင့်ဆင့် လာဘ်ပေးကြရသည်။ ပြီးသင့်သည့် အချိန်တွင်လဲမပြီးနိုင်။ ရှိသမျှကုန်ကာ တခါတရံအမှုပြီး၍ နောင်နှစ်ပေါင်းများစွာ ကြာသည်အထိ အကြွေးဆပ်နေကြရသည်။ လူမသတ်ပဲ လူသတ်တရားခံဖြစ်ရသူများလဲ ဒုနဲ့ဒေး။ မခိုးပဲသူခိုးဖြစ်ရသူလဲ အများအပြား။

ယင်းဘဝများကြားထဲတွင် အမှန်တရားအတွက် ရပ်တည်နေသူများကားပိုမို ဒုက္ခများကြရသည်။ ဆန်ဈေးတက်လို့ တက်တယ်ပြောတာလဲ ထောင်အနှစ်နှစ်ဆယ်၊ လူထုဘဝ အကြောင်း ကဗျာလေးတစ်ပုဒ်စပ်ပြန်တော့လဲ ထောင်ခုနစ်နှစ်၊ ဘီဘီစီရေဒီယိုလေး နားထောင်မိတာလဲထောင်သုံးနှစ်၊ မတရားတာကို မကျေနပ်လို့ ဆန္ဒပြတော့ ထောင်ငါးဆယ့်ကိုးနှစ်ဆိုပဲ။ ကဲ- ဘယ်လိုရှိစ။

တရားမျှတမှုဆိုသည်ကား ဆိတ်သုဉ်းကွယ်ပျောက်နေပါပကော။

နအဖအပေါင်းအပါ စီးပွားရေးသမားများက 'စားမယ်၊ ဝါးမယ်' ကြိမ်းဝါးနေသည်။

နအဖနောက်လိုက် မတရားဥပဒေ ဘက်တော်သားများက 'ဖမ်းမယ်၊ ဆီးမယ်' ခြိမ်းချောက်နေသည်။

နအဖလက်ကိုင်စစ်သားများက 'သတ်မယ်၊ ဖြတ်မယ်'ကြွေးကြော်နေသည်။

နအဖအမြီးဆွဲစွမ်းအားရှင်များက 'ရိုက်မယ်၊ နှက်မယ်' တုတ်ပြင်နေသည်။

သူတို့မည်သို့သွားဖြဲဖြဲ အဖိနှိပ်ခံပြည်သူများ ညီညွတ်ကြဖို့ အချိန်တန်ပြီ။ "ပြည်သူ့အားသည် ထိုအရာများထက်ပို၍ အင်အားကြီးမားပါသည်။" ကမ္ဘာ့သမိုင်းတလျှောက် ပြည်သူ့အင်အားကို လွန်ဆန်နိုင်သော အာဏာရှင်ဟူ၍ မရှိသေးပါ။

ဆိတ်သုဉ်းကွယ်ပျောက်နေသော တရားမျှတမှုတို့ ပြန်လည်ထွန်းကားလာရေးသည် တစ်ဦးတစ်ဖွဲ့ တစ်ပါတီတည်း၏ တာဝန်မဟုတ်။ ပြည်သူအားလုံး၏ တာဝန်ဖြစ်သည်။

ဒေါ်အောင်ဆန်းစုကြည်ပြောခဲ့သည့်စကားတခွန်းဖြင့်နိဂုံးချုပ်ပါမည်။

'လှေတစ်စင်းကို လှော်တဲ့နေရာမှာ၊ လှော်တဲ့လူကနှစ်ယောက်၊ စီးတဲ့လူက တစ်ရာကိုးဆယ့်ရှစ်ယောက် ဆိုရင်တော့ မြန်မြန်ရောက်ဖို့မလွယ်ဘူး'


ပြည်သူလူထုအားလုံး တက်ညီလက်ညီ ပူးပေါင်း၍ တော်လှန်ရေးအသွင်သဏ္ဍာန်မျိုးစုံဖြင့် နအဖအာဏာရှင်စနစ်အား နိဂုံးချုပ်ကြပါစို့။


ခင်မမမျိုး